Peqatigiiffimmi ilaasortanngorit - Kalaallit Nunaannilu inuit autismertut atugaasa pitsanngorsarnissaannut sulinerput tapersersoruk. Nunatsinni amerlanerpaanik ilaasortaqassutsikkut inuiaqatigiinni qinikkallu tungaasigut annertunerusumik tusaaniarneqalersinnaavugut.
Ilaasortaaneq ukiumut 350 kr.-inik akeqarpoq, ataanilu allassimasoq atorlugu peqatigiiffimmi ilaasortanngorsinnaavutit:
http://www.autismeforening.dk/indmeld2.aspx?aid=&u=388&sid=388&linkId=5
Landsforeningen Autisme-mut akuuvugut, nunatsinnili namminersorlutalu immikkut siulersuisoqarluta ingerlavugut. Danmarkimi Landsforeningen Autisme-mut atanissamut aalajangernermut patsisaasut tassaapput allaffissornikkut isumagisassat isumagerusummatigik, immikkut ilisimasaat misilittagaallu iluaqutigisinnaagatsigik taamatullu assigiinngitsutigut suleqatigisinnaallugit. Tamatumani autisme pillugu naqitanik saqqummersitsinernut aamma nunatsinni ataatsimeersuartitsinernut sorpassuarnullu allanut suleqatigiissinnaanerit eqqarsaatigineqarput.