Autismeforeningip malittarisassai

Immikkoortortaqarfik Kalaallit Nunaat

Aajuk malittarisassat

§1 Ateq najugaqarfillu

1. Immikkoortortaqarfik kattuffiup Autismeforeningip ilagaa
2. Immikkoortortaqarfiup atia tassaavoq Autismeforening peqatigiiffiup Kalaallit Nunaanni inissisimasoq
3. Immikkoortortaqarfiup najugaqarfia siulittaasup najugaqarfigaa
4. Immikkoortortaqarfik Kalaallit Nunaanni sulivoq.
5. Autismeforeningip pingaarnertut malittarisassai aammalu ilitsersuutai sukkulluunniit salliupput.

§2 Siunertaq

Siunertaq tassaavoq najukkami sulineq Autismeforeningip siunertaanut atuuttunut naapertuuttumik.

§3 Ilaasortaaneq

1. Immikkoortortaqarfiup ilaadortaasa ilagaat Autismeforeningip ilaasortai, najugaqarlutik immikkoortortarfiit sumiiffiani.
2. Immikkoortortaqarfik allannguinermik kissaatigineqassappat akuerineqarpallu immikkoortoqarfimmiit, Imm. 1-imi immikkut ittumik allanngortinneqarsinnaavoq. Aalajangiineq kingulleq pisariaqartillugu Autismeforeningip qullersaqarfianut saqqummiunneqarsinnaavoq.
3. Ilaasortat immikkoortortaqarfimmut akiliuteqartariaqanngillat, kisianni ilaasortaanertik Autismeforeningimut akiuligissavaat.

§4 Ataatsimeersuarneq

1. Ataatsimeersuarneq tassaavoq immikkoortortaqarfiup oqartussaaffia qaffasinnerpaaq.
2. Ataatsimeersuarneq nalinginnaasoq ukiumut ataasiarluni ingerlanneqassaaq kingusinnerpaamik martsip 15-iani.
3. Ataatsimeersuarneq pillugu aggersaaneq allaganngorlugu nalunaarutigneqassaaq minnerpaamik sapaatip akunnerinik tallimanik sioqqutsilluni.
4. Siunnersuutit ataatsimeersuarnermi oqaluuserisassaannut ilanngunneqarnissaat kissaatigineqartut siulersuisunit tiguneqareersimassapput minnerpaamik sapatip akunnerinik pingasunik sioqqutsilluni. Siunnersuutit allaganngorlugit tunngavilersorneqassapput.
5. Ataatsimeersuarneq pillugu paasissutissat tamarmik, ilanngullugit oqaluuserisassat, ukiumoortumik naatsorsuutit aammalu siunnersuutit tiguneqarsimasut, ilaasortanut saqqmmiunneqassapput kingusinnerpaamik sapaatip akunneranik ataatsimik sioqqutsilluni.
6. Ataatsimeersuarnerup oqaluuserisassai minnerpaamik imaqassapput:
   Ataatsimiinnermik aqutsisussamik, allatsimik kiisalu taasisunik kisitsisussanik minnerpaamik marlunnik qinersineq
      2. Siulersuisut nalunaarutaat
      3. Ukiumoortumik naatsorsuutit saqqummiunneqarnissaat akuersissutigineqarnissaallu
      4. Siunnersuutit piffissaagallartillugu tiguneqarsimasut oqaluuserinarnerat
      5. Siulersuisunik sinniisussanillu qinersineq
      6. Kukkunersiuisumik qinersineq
      7. Sinniisunik sinniisussanillu qinersineq kattuffiup malittarisassai naapertuuttunik
      8. Assigiinngitsut
7. Taasisinnaatitaasut tassaapput ilaasortat 18-it sinnerlugit ukiullit, ilaasortaanermut akiliuteqarsimasut aammalu najuuttut.
8. Ataatsimiinnermi aqutsisup aalajangertarpaa ataatsimiinnermi aqutsineq taasisarnerlu pillugit apeqqutit tamaasa. Allaganngorlugu taasineq taasisarnerlu pillugit apeqqutit tamaasa. Allaganngorlugu taasineq ingerlanneqassaaq ilaasortap ataasiinnaalluunniit kissaatigippagu. Aalajangiinerit amerlanerussuteqarnikkut aalajangerneqassapput.
9. Aalajangiinerit pillugit imaqarniliaq allanneqassaaq.
10. Pissutsit immikkut ittut peqqutigalugit ataatsimiinneq timitaliilluni ingerlanneqarsinnaanngippat, ataatsimiinneq onlinekkut ingerlanneqarsinnaavoq.
11. Inuk najuunnani qinigaasinnaavoq, ataatsimiinnissamut sioqqullugu allaganngorlugu qinigassanngortinnini nalunaarutigisimaguniuk.

§5 Ataatsimeersuarneq immikkut ittoq

1. Ataatsimeersuarneq immikkut ittoq ingerlanneqassaaq siulersuisut pisariaqartippassuk imaluunniit ilaasortat minnerpaamik 1/6-iisa allaganngorlugu piumasaqaatigippassuk. Pisariaqartillugu ilaasortat Autismeforeningip allaffeqarfianut attaveqarsinnaapput.
2. Ataatsimeersuarneq immikkut ittoq pillugu piumsaqaat siulittaasumut allaganngorlugu saqqummiuneqassaaq, taassumalu aggersaaneq nassiutissavaa sapaatip akunnerinik pingasunik sioqqutsilluni, kingusinnerpaamik sapaatip akunnerinik marlunnik kingorna. Pissutsit immikkut ittut atuutsillugit aggersaaneq ullunik arfineq pingasunik sioqqutsilluni pisinnaavoq.
3. Oqaluuserisassat minnerpaamik imaqassapput:
   Ataatsimiinnermik aqutsisussamik, allatsimik kiisalu taasisunik kisitsisussanik minnerpaamik marlunnik qinersineq.
      2. Siunnersuut ataatsimeersuarnerup immikkut ittup pissutigisaa.
4. Ataatsimeersuarneq ingerlanneqassaaq §4-mi aalangersakkat naapertorlugit.

§6 Siulersuisut, sinniisussat aamma kukkunersiuisut

1. Autismeforeningip ilaasortai kisimik, 18-it sinnerlugit ukiullit aammalu immikkoortortaqarfiup ilaasortaasa akornaniittut, siulersuisunut kukkunersiuisunullu qinigaasinnaapput.
2. Ilaasortaaneq qinigaaffiup ingerlanerani unitsinneqarpat, atorfik ingerlaannaq atorunnaassaaq. PBS-imik imaluunniit assingusumik kukkuneq pissutigalugu akiliinngitsoorneq taamatut naatsorsuutigineqassanngilaq.
3. Siulersuisut ataatsimeersuarnerup nalaani qinerneqassapput, ilaasortat [ass. 5] kiisalu sinniisussat [ass. 2] (amerlassusaat najukkami aalangerneqassaaq 3-9 akornanni kiisalu sinniisussat amerlanerpaamik tallimaassallutik).
4. Siulersuisuni ilaasortat ukiuni marlukkaartuni qinerneqassapput. Qinigaaqqissinnaapput. Ukiumut affaasa qinigassanngortarnissaat anguniarneqassaaq.
5. Sinniisussat ukiumut ataasiarluni qinerneqassapput. Qinigaaqqissinnaapput.
6. Kukkunersiuisoq ukiumut ataasiarluni qinerneqassaaq. Qigiaaqqissinnaavoq.
7. Siulersuisut siulittaasumik, siulittaasup tullianik aammalu aningaaserisumik inissitsiterissapput piaarnerpaamik aammalu kingusinnerpaamik ullut 14-it kingorna.
8. Aalajangiinerit amerlanerussuteqarnikkut aalajangerneqassapput. Naligiimmik taasisoqarnerani siulittaasup taasinera aalajangiisuussaaq.
9. Siulersuisut aalajangiisinnaapput siulersuisuni ilaasortaasa affaat minnerpaamik najuuppata. Ilanngullugit siulittaasoq imaluunniit siulittaasup tullia.

§7 Aningaasaqarneq aamma naatsorsuutit

1. Immikkoortortaqarfiup aningaasaqarnera tunngaveqarpoq Autismeforeningimit taoiissutinik aammalu aningaasaateqarfinnit, pisortanit imaluunniit aaqqissuussinermi aningaasarsianik.
2. Naatsorsuusiorfiusoq ukoiumut naatsorsuusiorfiuvoq ukiumi ullorsiutit malillugit.
3. Naatsorsuutit kukkunersiuisumit misissuiffigineqassapput aammalu ataatsimeersuarnerup nalinginnaasup nalaani akuersissutigineqassapput.

§8 Atsiorneq

1. Immikkoortortaqarfik atsiorneqassaaq siulittaasumit aammalu siulersuisunut ilaasortamit ataatsimik. Siulersuisut aalajangiisinnaapput aningaaserisumut pisinnaatitaaffimmik tunniussinissamik.
2. Siulersuisut aningaaserisup suliassai allanut tunniussinnaavaat, soorlu akiliutit, qaammatikkaartumik nalunaarutit aammalu ukiumoortumik naatsorsuutit.
3. Aningaasanik atuineq 25.000 kr-it sinnerlugit siulersuisunit marlunnit akuersissutigineqassaaq aammalu imaqarniliami allanneqassaaq.
4. Pigisat nalilinnut tunngatillugu pisiarineqarneri, tunineqarneri imaluunniit qularnaveeqqusiinerit kiisalu taarsigassarsinerit pillugit aalajangiinerit siulersuisut tamakkerlugit atsiorneqassapput aammalu Autismeforeningip qullersaqarfianit akuersissutigineqassapput.
5. Immikkoortortaqarfik nammineq pigisaminik akisussaaffeqarpoq.
6. Tunissutit pillugit piumasaqaatit ataqqineqassapput.

§9 Unitsitsineq

1. Immikkoortortaqarfiup atorunnaarsinneqarnissaa aatsaat akuersissutigineqarfinnaavoq Autismeforeningip sinniisoqarfiata ataatsimiinnerani, immikkoortortaqarfiup siulersuisuinit imaluunniit qullersaqarfiup siulersuisuinit innersuusuteqareerneratigut.
2. Unitsitsinermi immikkoortortaqarfiup aningaasaatai, pigisai aammalu pisussaaffii Autismeforeningimut tunniunneqassapput.

§10 Malitarisassat allanngortinneqarnerat

1. Malittarisassat allanngortinneqarsinnaapput aatsaat Autismeforeningip sinniisoqarfiata ataatsimiinnerani.

§11 Atuutilernera

Akuersissutigineqarpoq Autismeforeningip sinniisoqarfiata ataatsimiinnerani ulloq 25.10.2025.